අප පළමු වර සිනමාහලක
හමුවුන මුල් දවස්වල
හදිසියෙම දිනයක
නොහිතපු ඇසිල්ලක
අඳුනන දෑස් මග හැර
ලිඩෝ එක ඇතුලට
ගියා නොව ඇදුනෙමි
ඔබේ පසු පස...
රවීන්ද්‍ර සම්පත් හාමුය
හැබැයි ඔහු කථා නැත
අනෝජා මෙහෙකාරියව...
කථා නැති මගේ අත ගෙන
ඔබ කීව හැටි මතකය
"මමත් සම්පත් හාමු වගේ"
දෙගුණයක් වේගයෙන්
ගැහෙමින් තිබිණි හද
සෙනෙහෙන් සුරත පිරිමැද
විවේකය ඇරඹුම
ආපසු යන්න එකඟව
කිසිවක්ම කීවෙ නැත ඔබ
මගේ හිත රිදෙන ලෙස...
No comments:
Post a Comment