සියලු සබඳකම් අත්හිටුවා
යළි නම් කතා නොකරනට
සිතා සිටි අයටද,
සිදු වනවා ඇත
වෙනදාටත් කලින් අවදිව
තේ හදා දෙන්නට...
ඉරි තලන නියඟයක
දැවෙතැයි සිතුවද
ටික දිනක් හෝ රුදු ගිනිහුල්ව,
තෙමෙන්නට සිදු වනවා ඇත
වෙනදාටත් වඩා
හවසට හමු වෙන්නම් කියන
හාදු වැස්සකට.....
මාවත අද්දරම සිට
බලා සිටින්නට වෙනවා ඇත
නොපෙනී යන තුරාම
වෙනදාටත් වඩා
දෙඅත සලමින....
පැතුම් පතන්නටද
සිදු වනවා ඇත
කවරදාටත් වඩා
හැකි ඉක්මනටම
හවස් වන්නේ නම් කියන...
No comments:
Post a Comment