පෙම්වතාණෙනි
ඔබ නැගි උස,
මටද හිමි බවට
උදම් වූවෙම්ද කුමට,
දුර ඈත දිනයක
සපථ කර කියන ලද වුවද
ඔබ ජය උරුම යැයි මටද...
ඔබ වදන නොගැඹුර
වටහා ගැන්මටද,
කියූවේ එයම දැයි
තව දුරට සිතන්නටද
ඉඩ දිය යුතුව තිබුණි
මා මට...
එය එසේ වී නම්
තෙමෙන්නට ගොස්
ජයග්‍රාහී උදම් රළකට
ගොඩ ගසා වෙරළට
තනිව ඉකිබිඳීමක්
තිබිණි සිදු නොවන්නට....
මා සිටින තැනම සිට
අත් පොලසන් දී
හදපිරි සතුට පමණක්
පළ කළ හැකිව තිබුණි මට....
No comments:
Post a Comment